Uit twee wêrelde is ’n heruitgawe van Magdaleen Walters se gewildste romanses, Liefde in ʼn teekoppie en Meisie uit die boendoe.
Liefde in ’n teekoppie: Leon von Beneke spot genadeloos met Anja – haar grimering, lang naels, hoëhaksandale. In die bos vererger dit net. Maar hy’s haar tienerheld, haar eerste liefde. Nou lag hy vir haar … én is hy haar niggie se verloofde …
Meisie uit die boendoe: Elspeth weet Nick Kleynhans het haar nie as sy sekretaresse gekies nie. Hy verkies meisies met skraps klere. Sy moet vasbyt, onthou sy’s hier oor die pyplyn sendingstasie toe, en nié in sy strikke trap nie.
Month: August 2010
Proestukkie: Cynthia Robertson: Meer as vriende
Kliek op hierdie skakel om ‘n heerlike proestukkie van Cynthia se nuutste Romanza te lees:
https://romanzalesers.wordpress.com/proe-stukkies/cynthia-robertson-meer-as-vriende/
Nuut van Adele Reynders
Twaalfuurman:
Zirkia kan nie agterkom of Mathys de Waal se suurheid net teen haar gemik is nie. Maar vir motiewe ontleed is sy ook nie meer lus nie. Op hierdie klein dorpie is sy ver van haar beroep as bedryfsielkundige.
Nuut van Alda Geers!
Vlerke vir Jakomien:
Jakomien wil nie saam met Jean-Louis de la Rozzier Ellerman werk nie. Maar sy het nie geweet dat hy ’n man is wat van elke dag en elke plek poësie kan maak nie.
Nuwe romanse van Cynthia Robertson
Meer as vriende:
Sy is verloof aan een man en lief vir ’n ander … Maar Dané sal met Martin moet trou. Sy het ’n verpligting teenoor hom. En plig, het ouma Let haar geleer, kom voor plesier.
Nuwe romanse van Rykie Roux
Onweerst
aanbare vreemdeling:
Sien sy hom, dan soen sy hom. En dit mag nie, want Klarette is ’n amperse doktor en Soois ’n nutsman. Boonop wil hy haar dwing om dokumente by die universiteit weg te dra. As sy net vir hom kon nee sê.
Marile Cloete gesels met Rentia Bartleman
- Hoekom lees jy graag liefdesverhale?
Die liefde is vir my ‘n vervullende atmosfeer waarin ek kan ontsnap van die seer van die alledaagse lewe, en liefdesverhale neem my in daardie sfeer in.
2. Lees jy ander genres ook? Engels? (biografieë, gedigte, speurverhale, ens?)
Graag geestelike fiksie maar dan in Engels verkieslik, of in elk geval as die oorspronklike skrif. Autobiografieë soms, en het ‘n groot voorliefde vir gedigte, veral oor die liefde!
Lees die volledige onderhoud met Rentia hier: https://romanzalesers.wordpress.com/lesersklets/onderhoude-met-lesers/marile-cloete-gesels-met-rentia-bartleman/
Rika du Plessis gesels met Elize Grobler
1. As jy ‘n boek soek om te lees, waarna kyk jy op die boek wat die deurslag vir jou keuse gee?
Die voorblad is vir my belangrik.
2. Wat irriteer jou soms in boeke wat jy lees?
Enigiets wat te veel oor en oor beskryf word.
Lees die hele onderhoud met Elize hier: https://romanzalesers.wordpress.com/lesersklets/onderhoude-met-lesers/rika-du-plessis-praat-met-elize-grobler/
Boekedag saam met lesers by Setaria Biblioteek
Ons was aangenaam verras met die hoeveelheid lesers wat gekom het om ons te ontmoet. Of dalk het hulle net gekom vir die heerlike middagete wat die dames voorgesit het?Kyk net hoe mooi was die tafels versier!
Ons het alte lekker gekuier met sowat veertig lesers. Hier sit ons buite die bib onder die doringbome.
Ons sê baie dankie aan Des, die bibliotekaresse, wat hard gewerk het om die dag ‘n sukses te maak. Ons het heerlik gekuier in die vars Bosveldlug en die lesers was baie beïndruk met die boekpryse (getekende kopieë van ons boeke) wat gelukkige wenners kon kry.
Baie dankie Setaria! Die Romanzaskrywers sal julle onthou.
Klik op foto’s om te vergroot.
Daar’s nog plek vir laatslapers!
romanzalesers.wordpress.com 