Bekendstelling: Die verhuising

Sophia het vir ons die een en ander laat weet oor die boekbekendstelling wat sy by Waverley biblioteek gehad het:

Dit was heerlik – Waverley se bib-personeel het natuurlik weer uitgehang en my soos ‘n koningin behandel. Daar was ‘n hele paar baie toegewyde fans wat almal vreeslike mooi goed gesê het en duidelik die boeke lees en geniet.

Die belangrike ding vir my is lesers wat na my toe kom en vir my sê hulle lees weer vir die eerste keer in jare Afrikaans, omdat mense soos ek en Chanette boeke vir “gewone mense” in Afrikaans skryf. Dis ‘n groot kwessie – dat liefdesromans spesifiek afgeskeep is in Afrikaans en ons feitlik ‘n hele generasie vir Engels verloor het. Dis een van die redes waarom ek my hoed so hoog vir Deon Meyer lig – hy het mense weer aan die lees gekry in Afrikaans. Wel gedaan.

Ek het ook gepraat oor die karakterisering en die taalgebruik, waarvoor die lesers daar baie geredelik bereid was om my te vergewe. Ek dink die meeste mense het begrip vir die feit dat studente nie engele is nie en dat ouers nie eintlik wil weet hoe hulle dink/praat nie. Die reaksie wat ek kry, is oorweldigend positief. Die ironie is dat die meeste mense mal is oor Tessa – ten spyte van al haar foute en die kru taal. Miskien omdat sy so menslik is en ons almal onsself in haar gebrokenheid sien.

Charlene het ook verwys na die sosiale kwessies wat ek in my stories inskryf. Dis gewoon omdat ek nie regtig vreeslik plot skryf nie (in vergelyking met Chanette se boeke byvoorbeeld, gebeur daar eintlik relatief min in my stories) en met emosies eerder as gebeure werk. Ek hou daarvan om karakters teen ‘n realistiese, geloofwaardige werklikheid te skets en hulle emosioneel uit te daag. Veral liefdesromans leen hulle tot sulke emosioneel gelaaide verhale en ek verwag van my karakters om werklik te leef, te voel en te reageer sodat hulle waardiger, wyser mense kan wees voordat hulle by mekaar uitkom.

One thought on “Bekendstelling: Die verhuising

  1. Tiekie van Huyssteen says:

    Hi Sophia

    Ek is van die gelukkiges wat jou al ontmoet het daar by die Table View kerk (vriende van Sonja en Krap) en een van die Sophia Kapp aanhangers. Baie uitgehonger vir ‘n lekker romantiese boek.

    Ek weet jy ‘n besige dosent, maar wanneer sien ons weer ‘n nuwe boek op die rakke? Ek koop hulle want by ons biblioteek kry jy dit eers as dit ounuus is. Dis ‘n kompliment!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s