Wat inspireer jou om te skryf?
Dis vir my ’n vorm van ontvlugting en ’n heerlike manier
om my kreatiwiteit uit te leef. Ek het ’n besige lewe met ’n
voltydse werk, gesin en ’n huis, wat alles en almal aandag
vereis. Ek moet tyd vir myself maak, en dan is dit lekker
om in ’n wêreld te ontsnap waar alles uitwerk, en waar ek
die gebeure en uitkoms kan bepaal. Ek geniet dit ook om
deel van iemand anders se liefdesverhaal te wees.
Gismo is sy naam.
Ek het ’n haas as ’n troeteldier. Gismo is sy naam en hy is
mal oor Woollies-wortels en blaarslaai. Hy hou daarvan
as ek hom in die tuin rondjaag en dan hardloop hy die
heeltyd sirkels om my.
My ideale held …
… moet die heldin aanvaar soos sy is. Sy lewe moet om
haar draai en hy moet alles in sy vermoë doen om die
lewe vir haar ’n lekkerder plek te maak. Maar hy moet ook
’n sterk persoonlikheid hê, sodat hy ook beheer kan neem
wanneer nodig. En hy moet darem ook mooi wees om na
te kyk.
Wat lees jy op die oomblik? Noem jou gunstelingskrywers.
Ek is versot op lees. Ek loop nooit verby ’n boekwinkel
sonder om in te loer nie. My gunstelingskrywers is: Deon
Meyer, Sandra Brown, Diana Gabaldon en Elizabeth
George, as ek ’n paar moet uitsonder. Ek het ál hulle boeke
gelees en soos julle kan aflei, hou ek van romanses en
misdaadverhale.
Ek lees nooit een boek op ’n keer nie. Op die oomblik het
ek die volgende boeke op my bedkassie:
Vier begrafnisse en ’n troue deur Pat Stamatelos
Anderkant Pontenilo deur Irma Joubert
Rainwater deur Sandra Brown
Susan Olivierhet grootgeword op Boksburg. Volgens haar het sy die ideale kinderjare gehad, want sy kon onophoudelik lees. As tiener het sy gedroom oor die boeke wat sy wil skryf. Sy het gaan studeer, getrou en kinders gehad: haar liefdesverhaal gelewe. Noudat sy tyd het om te skryf, leef sy haar droom.
Vorige titels deur Susan Olivier:
Bod op ’n biljoenêr
Vir altyd joune
Aptyt vir liefde
Liefdesles vir Lynelle
“Verloor ’n mens ooit die gevoel van opwinding en afwagting? Dis wat skryf ook so lekker maak. Elke nuwe boek voel soos my eerste.” – Susan Olivier
Baie mooi!
Pragtige foto’s Susan!