Boeke wat jou laat Foxtrot

jone

Joune vir altyd – Alma Carstens

Ná jare van seerkry weens Rudi se rondlopery besluit Melani om weg te gaan en van hom te vergeet. Met haar terugkoms in Wiesenhof raak Rudi halsoorkop verlief op die “nuweling” op die dorp – min wetend dat dié skoonheid einste Melani is.

Ek het jou lief – Mari Roberts

Ná sy egskeiding van Yvette keer Roux na sy tuisdorp terug. Daar tref hy sy jeugliefde Tessa aan en vind dat die vonk wat tydens hul tienerjare tussen hulle was, steeds bestaan en nou ’n brandende vuur geword het.

Die professor en die beterweter – Malene Breytenbach

Anton Bredell is aantreklik, beterweterig en professor Karin Kaltwasser se doktorale student. Sy leer ken Anton beter terwyl hulle in Egipte na ’n verlore prinses se graf soek. Sy probeer om die korrekte dosent-student-verhouding te handhaaf, maar laat die liefde hom ooit voorskryf?

Dans met ’n stiervegter – Trudy Reinhardt

In Barcelona bemeester Tahlia die flamenco, maar haar hart dans egter op sy eie ritme. Spanje se kampioenstiervegter, Alejandro, is haar hart se dansmaat, maar sy kan nie sy beroep aanvaar nie.  Is hulle bestem vir mekaar of nie?

FOXTROT VAN DIE LIEFDE – Kristel Loots

foxtror-hoeres

Katalaya is sestig en geensins van plan om nou met grasie oud te word nie. Maar haar huwelik het betekenis verloor en haar man stem met haar saam, onder meer omdat hy ’n tasbare rede daarvoor het, ene wat Katalaya net kan dink blond en jonk is. Meteens is die verveling weg en in die plek daarvan is eensaamheid.

 

Haar eens korrekte, bejaarde ma worstel met verwarde gedagtes wat op seniliteit dui en haar kinders leef hul eie lewe. Daar is min vooruitsigte vir Katalaya, maak nie saak dat sy haar klere funky hou en haar hare silwerwit nie.

Dit is in hierdie stadium wat sy gedwing word om haar jeugjare te herleef want op die spoor van haar ma se dwaalgedagtes ontmoet sy onverwags mense uit die verlede. Een van hulle is Katalaya se jeugliefde wat ook ’n verbode liefde was. Só kom daar ook uiteindelik antwoorde op ’n hartseer geheim van baie jare.

VER IN DIE WÊRELD, KITTIE – Santie van der Merwe

ver-in-die-wereld-kittie-hoeres

Sy was die ongeliefde kind, Kittie. Nie dat een van die ander kinders juis geliefd was by haar ma nie, maar Kittie het nie eens haar ma se seldsame toegeneentheid geken nie. Afgeknou. Geslaan. Tot in haar kindersiel verwond. Armoedig.

Maar sy is Kittie. Sy het dit gemaak. Trouens, sy het dit verder as enige van die ander kinders gebring. Toe gaan sy Londen toe, waar haar kaartehuis weer inmekaar tuimel: verneuk en verraai. Maar Kittie gaan nie lê nie.

Terug in Suid-Afrika word dit juis op haar skouers gelê om haar ma ná ’n beroerteaanval te versorg. Soos Kittie haarself geleer het, dra sy wat in Londen en in haar kinderlewe met haar gebeur het, in haarself om en sy bly versigtig vir dié wat haar verwond het sowel as vir dié wat haar wil help heelmaak. Maar toe hý daardie oggend uit die helder lig na haar toe aankom, is daar blydskap en kennis in haar.

Sy was die ongeliefde kind, Kittie. Nie dat een van die ander kinders juis geliefd was by haar ma nie, maar Kittie het nie eens haar ma se seldsame toegeneentheid geken nie. Afgeknou. Geslaan. Tot in haar kindersiel verwond. Armoedig.

Maar sy is Kittie. Sy het dit gemaak. Trouens, sy het dit verder as enige van die ander kinders gebring. Toe gaan sy Londen toe, waar haar kaartehuis weer inmekaar tuimel: verneuk en verraai. Maar Kittie gaan nie lê nie.

Terug in Suid-Afrika word dit juis op haar skouers gelê om haar ma ná ’n beroerteaanval te versorg. Soos Kittie haarself geleer het, dra sy wat in Londen en in haar kinderlewe met haar gebeur het, in haarself om en sy bly versigtig vir dié wat haar verwond het sowel as vir dié wat haar wil help heelmaak. Maar toe hý daardie oggend uit die helder lig na haar toe aankom, is daar blydskap en kennis in haar.

Alle Romanza-klublede spaar 30% op hul boekaankope. Sluit nou aan: http://bit.ly/2bAiDdL

Advertisements

One thought on “Boeke wat jou laat Foxtrot

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s