Tong in die kies: onverstaanbaar – Frenette van Wyk

Ek sal die gelukkigste persoon in die wêreld wees as…

My twee seuns geluk in hulle lewe vind. My wens is dat my jongste seun ook ’n huweliksmaat sal vind wat by hom pas, en dat hulle albei ’n beroep volg waarin hulle vervulling ervaar en ’n persoonlike verhouding met die Here sal bly hê.

My droomhuis is …

’n Grasdak- kliphuis in die middel van die bosveld.

Wat is jou gunstelingwoord?

Hoop. Dis ’n sonskyn-emosie, die anker van jou siel in tye van storms. Dis inspirasie. Dis toekomsgerig. As ’n mens hoop het, kyk jy vorentoe met verwagting, het jy nog geloof om jou drome en ideale waar te maak.

hhe

Waar wil jy op vakansie gaan?

Enige plek waar die son skyn en dit warm is, en waar my man ook is. Dis skep kalmte, vertroosting en ook inspirasie in my binneste.

Wie is Frenette van Wyk as sy van haar skrywerstoel af opstaan?

’n INFJ-persoonlikheidstipe (volgens die Myers-Briggs persoonlikheidstoets: lees meer hier https://www.16personalities.com/infj-personality). Glo net 1% van die wêreldbevolking het dié tipe persoonlikheid en so ’n tipe persoon word o.a. beskryf as ’n ‘walking contradiction’. Dus, tong in die kies, onverstaanbaar.

’n Absolute idealis en ’n dromer wat die wêreld deur ’n roosgetinte bril bekyk. Ek glo elke storie in die lewe het uiteindelik ’n gelukkige einde.

’n Gevoelsmens wat maklik my hart eerder as my kop volg. Ek maak baie meer op my intuïsie staat as op feite, en dit het my nog nooit in die steek gelaat nie.

Leef baie graag eerder buite die spreekwoordelike ‘boks’ as binne reëls en perke wat ander mense probeer stel.

As jy nie ’n skrywer was nie, sou jy … wees?

Ek sou graag ’n motiveringspreker wou wees. Ek sou mense wou inspireer om die lewe te geniet, en hulle wou oortuig dat dit belangrik is om hulle doel in die lewe te ontdek en dit met passie uit te leef.

Waar is die vreemdste plek waar jy al ooit geskryf het? 

Terwyl ek op vakansie was in Pilanesberg. Die heerlike hitte en stilte het my so begeester dat ek daar en dan in die skadu’s van ’n doringboom ’n nuwe boek aangepak het.

africa2-scxenic_9048

Wat was die hoogtepunt in jou skrywersloopbaan so ver?

Elke nuwe boek wat vir publikasie aanvaar word, is ’n hoogtepunt, maar daardie eerste keer toe LAPA Uitgewers my laat weet het dat hulle my manuskrip graag wil uitgee en dat ek nou ’n outeur in volle reg is, was suikersoetekstase. Ek het omtrent ’n uur lank op en af in my huis gehuppel, dans, lag en huil van blydskap.

Waar kry jy inspirasie vandaan?

Om te reis en nuwe plekke te sien inspireer my altyd om ’n nuwe liefdesverhaal te skryf. Interessante, oorspronklike, kreatiewe mense is ook ’n groot bron van idees vir storieboekkarakters.

Wat was die beste raad wat jy oor skryf ontvang het en van wie?

Prof. Hans du Plessis wat my aangemoedig het om ook in die ‘Innie skylte vannie Jirre’ te skryf.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s