’n Saluut aan daardie baie gelukkige paar jaar – Annarie Linde

Waar is die vreemdste plek waar jy al ooit geskryf het?

Ek neem graag notas oor wat ek sien en beleef waar ek ook al beland: terwyl ek wag by SARS, of in ’n vliegtuig op pad êrens heen. Ek  verkies om met die rekenaar op my skoot te sit en werk in die tuin of vroegoggend in die bed. Nie baie buitengewoon nie!

 Wat was die hoogtepunt in jou skrywersloopbaan so ver?

Sekerlik die oproep toe my eerste manuskrip aanvaar is. Ek was op die N4 op pad van Pretoria na Nelspruit en ek onthou hoe ek eers van pure blydskap langs die pad moes stop. Dit was wonderlik!

Enige wyse woorde of skrywersgeheime vir voornemende skrywers?

Doen dit net! Skryf die eerste 200 woorde en kom aan die gang. Dit hoef nie perfek te wees nie. Dikwels beplan mens eindeloos en doen baie navorsing en dit is eintlik ’n vorm van uitstel.

Hierdie is jou eerste Romanza in drie jaar? Was dit moeilik om weer eens ’n romanse te skryf?

My beroep het ’n nuwe draai gemaak wat my laat sweet het. Die belangrikste was dat ek ’n jonger suster aan ’n uitmergelende siekte verloor het. My woorde het vir ’n lang ruk opgeraak.

Wat het jy in die tussentyd gedoen?

Joernaal gehou soms. Soos Julia Cameron sê mens moet doen − morning pages wat mens darem kreatief aan die gang hou. ’n Kursus gedoen in feature writing, maar ek kon  nie fiksie skryf nie.

Drie items waar sonder jy nie kan leef nie.

Mense, boeke en my lipstif!

Wie is jou drie gunstelingskrywers?

Nee, nee, nee! Dis soos om te vra watter een van my seuns my gunsteling is! Miskien dalk tog Jane Austen. Sophia Kapp het my baie beïndruk met haar Oorlewingsgids vir ’n bedonnerde diva en haar siening oor skryf vir vroue. Jan Morris se reisbeskrywings.

Oorlewingsgids vir ’n bedonnerde diva

As jy drie mense na ete sou nooi (lewend of dood), wie sal dit wees.

Mr Darcy, Tannie Ans, Jan Morris.

Wat is die beste raad wat jy oor skryf ontvang het en van wie?

Ek lees graag oor skryf. Stephen King se boek On Writing is waardevol en sonder fieterjasies. LAPA Uitgewers se Lenteskool vir romantiese fiksie het my gedwing om die eerste hoofstuk te skryf van my eerste boek. Dankie tog!

Watter boeke kan jy herhaaldelike lees?

Pride and Prejudice (en die BBC movie), Tony Osler se Zen boeke oor die Karoo, die Bybel.

Vertel ons 5 dinge wat nie in jou bio is nie.

  • My komvandaanplek is die plaas Pontdrift aan die Limpopo
  • Ek is baie nuuskierig
  • Baie lief vir die visuele kunste
  • Ek’s meestal baie geduldig maar beleef woeste emosionele reaksies onder die oppervlak
  • Ek doen graag joga

Joga-Koper-Deusa

As jy nie ’n skrywer was nie, sou jy … wees?

Sakevrou.

Wat was die muse vir Laat ek jou liefhê se storielyn?

Baie jare gelede het ek aanvanklik saam met my skoonsuster, ’n koffiekroeg bedryf in ’n klein dorpie in die Suid-Kaap. Op ’n manier is Laat ek jou liefhê ’n saluut aan daardie baie gelukkige paar jaar. Natuurlik is Josie en Matt se storie nie myne nie, maar hier en daar is wel ’n insident of ’n bietjie atmosfeer wat ek beleef het. Maar Josie en Matt – hulle het hulle heeltemal nuut kom aanmeld!

Laat ek jou liefhê_high res

Josie is baie goed met handwerk. Is brei of hekel ook ’n stokperdjie van jou?

Naaldwerk was waarskynlik my heel eerste skeppende liefde. Lap/tekstiel is magic. Maar nouja, die dice het vir my anders geval … met vier seuns maak jy eerder kos as hekellappies!

Wat is volgende in die pyplyn vir jou?

Baie skryf, baie skilder, leef met ’n groot oop hart.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s