Die vele sye van Alta Cloete: Skrywer, Bruce Springsteen-aanhanger, Voorbrandmaker vir Afrikaans

Wat sal jy saam neem op ’n reis na Mars?

Baie boeke. En sjokolade.

As ons by jou sou kom eet, wat sou jy vir ons bedien?

Braaivleis met braaibroodjies soos ons dit in die Boland maak.

Een van jou stokperdjies is kuns:

Wie is jou gunstelingkunstenaar?

Dis ’n baie moeilike vraag!

Internasionaal: Claude Monet

Suid-Afrikaans: Tertia du Toit en Nasser N. Zadeh

 

Wat is jou gunstelingkunswerk?

Monet se Water lilies (wat in werklikheid ’n hele reeks skilderye is) is ’n groot gunsteling.

Hier is interessante feite oor Water lilies: http://mentalfloss.com/article/63929/15-things-you-might-not-know-about-monets-water-lilies

Water lilies

Vir watter kunstenaar sal jy graag ’n ‘model’?

’n Model wees?  O nee, vir niemand nie! Ek het nie daardie soort selfvertroue nie.

Jy is ’n groot Bruce Springsteen-aanhanger en het onlangs ’n konsert van hom in Noorweë bygewoon. Vertel ons daarvan.

Ek was in ’n druipnat Trondheim saam met my seun en sy verloofde by ’n vertoning.

Bruce word binnekort 67, maar op die verhoog het hy die energie van iemand die helfte van sy ouderdom. Hy sing na meer as veertig jaar steeds elke liedjie met dieselfde passie en produseer steeds nuwe werk. Sy shows duur altyd meer as drie uur, sonder ’n pouse. Die vertonings is ook nooit presies dieselfde nie. Saam met die wagtyd van die hekke wat  moes open, het dit omtrent sewe uur op ons voete in die reën beteken. Dit was alles deur en deur die moeite werd.

Wat is jou gunsteling- Bruce Springsteen-song?

The promised land gaan oor die strewe na ’n beter, meer vervullende lewe en is vir my ‘n konstante inspirasie om altyd na meer te streef.

In hoeveel lande het jy al vir Bruce Springsteen gesien?

England, Suid-Afrika en Noorweë. Dit is glad nie ongewoon dat sy fans duisende kilometers reis en baie geld uitgee om hom herhaaldelik te sien optree nie. Daar is baie van hulle wat al letterlik honderde van sy shows gesien het.

Wat was jou gunsteling- Bruce Springsteen-herinnering?

Miskien daardie oomblik toe hy op die verhoog kom by my heel eerste show en die band lostrek met Badlands (nog ’n gunsteling en die teenpool van Promised land).

Wie is Theresa en Sanet se gunstelingmusiekkunstenaar?

Ek dink Theresa luister na die ouer Afrikaanse musiek. Groep Twee, Anneli van Rooyen, Rina Hugo. Volg hierdie link om te luister na Ek lewe − Anneli van Rooyen:

Sanet is baie lief vir Kris Kristofferson, veral vir Me and Bobby McGee. Volg hierdie link om te luister:

Jy is onlangs as een van Afrikaans.com se ambassadeurs gekies. Wat was jou reaksie toe jy die nuus hoor?

Dankbaar.

Cover-image

Afrikaans.com is daarop gemik om Afrikaans in haar volheid te vier en te verken. Hier vind jy alles oor Afrikaans en kom jy alles te wete oor organisasies, feeste en projekte wat ‘n bydrae tot die Afrikaanse landskap lewer. Vir meer inligting besoek: http://www.afrikaans.com/

Wat is jou gunstelingwoord?

Kafoefel! Klink dit nie lekker nie? J

Jou Facebook-blad, Kom ons lees weer Afrikaans, het meer as 5 000 lede. Waarom het jy hierdie blad begin?

Ek het bewus geraak van hoeveel Afrikaanssprekendes uitsluitlik Engels lees. Deur ’n spesifieke vriendin het ek besef baie van hulle wil graag Afrikaans lees, maar weet nie waar om te begin nie, omdat hulle nie weet watter boeke beskikbaar is nie. Die groep se doel is dus om mense bekend te stel aan die wonderlike Afrikaanse boeke wat deesdae verskyn.

Het jy verwag dit gaan so groot word?

Ek het die groep impulsief begin toe ek nog baie nuut op Facebook was en nog nie ’n idee gehad het wat ’n magtige medium dit is nie. Dit het jare geneem voor dit so groot geword het.

Net ’n mens volg op Opdrag van oorkant. Hoe verskil die twee boeke?

Ek dink Net ’n mens is ‘n “stiller” boek as Opdrag, met minder dramatiese onthullings, meer intiem en persoonlik.

Sanet of Theresa. Watter hoofkarakter was moeiliker vir jou om te skryf? Hoekom?

Sanet was vir my die moeilikste, wat nogal vreemd is, want sy lê die naaste aan myself. Ek moes sukkel om haar nie as té sag en inskiklik uit te beeld nie. Theresa was van die begin af haar hardekwas self en maklik om te skryf.

Jou volgende Romanza, Projek ware liefde, onder die naam Marilé Cloete verskyn in November. Wat is die muse agter hierdie storie?

Die ervaring en krisisse van ons eie huisverbeterings het die storie geïnspireer. Die feit dat die heldin die projekbestuurder is wat die “manswerk” doen, het dit vir my interessant gemaak. Die huiseienaar is ’n deur-die-blare fantasieskrywer wat nie ’n praktiese haar op sy mooi kop het nie. My eie wolfhond en ’n wolhaarkat rond die prentjie af.

Projek ware liefde_Marilé Cloete_voorblad_high res

Hoe het jy aan die titel van jou Romanza gekom?

Die titel was heel logies, aangesien sy die projekbestuurder is. Dit was een van die gevalle waar die titel maklik gekom het. Dikwels is dit ’n lang en pynlike soektog na die perfekte titel.

Hierdie jaar is twee Romanzas en ’n roman van jou gepubliseer. En jy skryf ook graag kortverhale. Wat is jou skryfroetine?

Ek moet bely dat ek nie ’n watwonderse skryfroetine het nie. Ek probeer maar net om elke weeksdag ’n stukkie (meestal een toneel) te skryf. Dit gebeur soms op snaakse tye van die dag, bv. wanneer ek eintlik moet kosmaak of wasgoed was.

Wat is jou gunstelingaanhaling?

7090784f15ad414328204cda2004212d

EN

As die dokter vir my sê ek het net ses minute oor om te lewe, sal ek net ’n bietjie vinniger tik. − Isaac Asimov

Bellville Biblioteek_LAPA Uitgewers skrywergeselligheid_plakkaat_uitnodiging

Kom kuier saam met Alta en ander skrywers by Bellville!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s