’n wonderlike verbasende bonus – Thea Holland

 

Ek sal die gelukkigste persoon in die wêreld wees as …

Alles doodstil is wanneer ek wil skryf.

Liefde is soos …

Tabak, volgens Engelse liedjieskrywers in die 16de eeu.

As ek verveeld is …

Is daar fout met my.

Vrede omring my as …

My buurman op reis is en ek skelm op sy hoë stoep kan staan en na die vlei kyk.

Waar wil jy op vakansie gaan?

Ek hoef nie – ek woon naby die see op een van die mooiste plekke onder die son – maar dit sou lekker wees om nou en dan oorsee te gaan en by my kind en sy gesinnetjie te kuier.

Watse verrassings is in jou beursie?

Geen verrassings nie, helaas. Ek weet presies wat ek nie daarin gaan aantref nie.

Ek kan regtig leef sonder …

TV

Niks, ek herhaal niks, kom tussen my en my …

Um. Destyds was dit my sigarette.

Wat is jou gunstelingwoord?

Al die ou vergete en halfvergete woorde uit my kontrei – soos perkate, en tobboets, en verdomp wat jy as ’n werkwoord gebruik, en ressewôr, en serieus. Serieus is op die oomblik my gunsteling, want ek het onlangs geleer dit klink en lyk soos die Franse serieux. Is dit nou nie ’n ontdekking nie!

My trooskos is …

Waatlemoen

Harsha-K-R

Wie is jou gunstelingskrywer?

’n Moeilike vraag. Marilynne Robinson? Terry Pratchett? Shakespeare? (Sug …)

As jy drie mense na ete sou nooi (lewend of dood), wie sal dit wees?

JS Bach, George Weideman en Johnny Depp. En aangesien ek en Johnny dus die enigste lewende wesens aan my tafel gaan wees … wel, wie weet?

This slideshow requires JavaScript.

Wat is die beste raad wat jy oor skryf ontvang het en van wie?

Ek haal aan: “Nou maar hoekom skryf jy nie ’n liefdesverhaal nie?” Dis nou al my ou vriendinne se goeie raad toe ek op ’n stadium nie meer geweet het hoe ek met my lewe moet maak nie!

Hoeveel beplanning en navorsing doen jy voordat jy begin skryf?

Baie navorsing, gedurig. Met voorafbeplanning doen ek my bes, maar dan verander ek honderd keer van plan.

Het jy altyd geweet dat jy ’n skrywer wou word?

Ek het dit nie beplan of daaroor gedroom nie; ek het net van altyd af stories en avonture uitgedink en dit nou en dan neergeskryf. As daar mense is wat dit lees, is dit ’n wonderlike, verbasende bonus.

In jou volgende lewe sal jy graag ’n … wil wees.

Iemand wat kan sing. Sou dit nou nie lekker wees nie?

images

Wat beïnvloed jou skryfstyl?

Die eise van die storie waaraan jy werk.

Waar kry jy inspirasie vandaan?

Oral. ’n Mens hou maar net jou oë en jou ore oop.

Watter tyd van die dag skryf jy op jou beste?

Ek het altyd daarvan gehou om snags te skryf, maar dis deesdae baie moeilik om onder kunsmatige lig te werk. Nou skryf ek soggens wanneer my suster nie TV kyk nie.

Wat is jou skryfproses? Het jy ’n vaste roetine of skryf jy organies?

Ek is nie goed met roetine nie. Wanneer ek met ’n manuskrip begin, probeer ek bloot om elke dag te skryf.

 

Enige wyse woorde of skrywersgeheime vir voornemende skrywers?

Moet jou nie te veel aan kritiek en/of raad steur nie. Doen wat reg voel.

Wat was die hoogtepunt in jou skrywersloopbaan so ver?

Dis elke keer ’n hoogtepunt wanneer lesers vir my sê hulle het van ’n storie gehou.

Koop nou vir ’n Reënboog vir Mouette hier: http://bit.ly/2beO7BR Onthou Romanza-klublede kry 30% afslag. 

 

One thought on “’n wonderlike verbasende bonus – Thea Holland

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s