Die vrou wat ons almal graag wil haat

Sy is die vrou wat ons almal graag wil haat. Die ander vrou − die een waarvoor geen Romanza-leser haar pom-poms wil waai nie. Ja, ons praat hier van die decoy-karakter oftewel die feeks. Dis die vrou wat die leser laat wonder by wie die held uiteindelik gaan uitkom. Sy is die kompetisie en gooi so hier en daar ’n spanner in die works.

spanner

Ons gesels met drie skrywers, Malene Breytenbach (Lorna en die professor), Annetjie van Tonder (Altyd somer) en Rika du Plessis (Moedswillige vreemdeling) oor die vroue in hul wat elke leser rooi laat sien.

Wie is die inspirasie agter die feeks in jou Romanza?

Malene: Daar is meer as een feeks in Lorna en die professor. Geen spesifieke persone is die inspirasie agter Glenda, Maria en Estie nie. Hulle is produkte van my verbeelding.

Waarom is hulle feekse? Ek veronderstel dat as ’n man ’n aantreklike hunk is en boonop ongetroud, gaan vroumense vir hom val, hom wil hê en hom jag/najaag.

Rika: Baie jare gelede, nog voor ek getrou het, het ek ’n goeie vriend gehad wat met ’n baie mooi meisie ’n verhouding gehad het. Alles het altyd vir my soos regte maanskyn en rose tussen hulle gelyk.

Tot die dag toe hy vir my sê sy het hom die trekpas gegee om met ’n ryk boer – wat heelwat ouer as sy is – te gaan trou.

Die jare het aangestap, en die dag toe hy my troue bywoon, het hy my vertel die boer is oorlede, en het haar geldloos nagelaat – al sy goed is aan sy kinders by sy eerste vrou nagelaat. Sy het teruggekom na my vriend toe, wou hul verhouding hervat asof sy niks lelik gedoen het nie. Sy het aanvaar hy sal haar vergewe en weer aan haar toegee. Hy het geweier, want hy het geglo sy is nie tot werklike liefde in staat as sy hom so maklik vir rykdom kon los nie.

Annetjie: Silvana is absoluut ’n fiktiewe karakter. Ek het wel my Italiaanse skoonsuster se naam gebruik en verder maar my eie verbeelding.

moedswillige vreemdeling_high res

 Is dit makliker of moeiliker om in die feeks se kop te klim?

Malene: Dis net so maklik om in ’n feeks se kop te kom as in die goeie heldin s’n.

Rika: In sommige opsigte is dit vir my makliker om die feeks te skryf as die heldin. ’n Mens is redelik beperk tot sekere dinge wanneer jy die heldin moet speel, maar by die feeks is baie dinge toelaatbaar.

Annetjie:  Ek het die verhaal deurgaans vanuit Philna se perspektief vertel, m.a.w. ek was heeltyd in haar kop. Ek kon Silvana slegs van buite teken. Ek slegs haar uiterlike handelinge (optrede) weergee.

Lorna en die professor_high res

 Hoekom het die feeks ’n feeks geword?

Malene: Die held in my verhaal, professor Arno Retief, sou vir enige vrou aantreklik wees. (Vir my ook!) Daarom is die vroue wat hom jaag katterig en jaloers as hulle sien dat hy in die jong, mooi Lorna belangstel. Sy raap hom mos as’t ware voor hulle begerende neuse weg.

Rika: Hierdie spesifieke meisie was heel gelukkig saam met my vriend totdat die glans van rykdom velle oor haar oë getrek het. Die dag toe sy met niks nagelaat word na sy die mooi jong jare van haar lewe aan ’n ouer man toegewy het om in sy rykdom te deel, het sy sinies en bitter geword. In haar agterkop was daar net een oplossing:  my vriend sou haar terugvat as sy haar kaarte mooi speel, en sy het haar voorgeneem om te lieg en bedrieg om haar sin te kry. Gelukkig was my vriend oopkop genoeg om deur haar planne te sien.

Annetjie: Silvana het die feeks geword, omdat sy besitlik was oor Ricardo. Sy wou hom vir haarself hê en wou hom bind aan sy belofte teenoor sy vriend.

altyd somer_high res

 Sal jy ooit die feeks se verhaal in ’n Romanza vertel?

Malene: Ek het nog nie die feeks se verhaal in Romanza vertel nie, omdat die heldin mos fokaliseer. Dit sou maklik gedoen kon word. Die arme feeks. Dis swaar om te verloor en die liefde kan seermaak. Ek kry haar jammer.

Rika: Soos jy sien, is Marina se karakter gebaseer op iemand wat ek donkiejare gelede persoonlik geken het. Ek glo nie as ek ’n verhaal oor haar moet skryf kan dit ’n Romanza wees nie. Dalk kan dit in ’n ander genre gebeur waar die heldin in die verhaal eers deur vele “issues” moet gaan voor sy eindelike geluk vind.

Annetjie: Ja, ek sal die feeks se verhaal in ’n Romanza kan vertel, want dan sal ek in haar kop klim. Ek sal haar laat groei tot ’n volronde mens – haar mensliker maak, sterk, maar ook sag. Ek sal ander soort intriges in haar storie inweef.

 

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s