Met liefde gedruk

Moelikheid met ’n meermin − Sophia Kapp

Gerrit geniet toeriste-uitstappies in Thailand. Hy wag dat die sakeman, wat hy moet fotografeer, hom kontak. Dis op ’n toeristeboot waar hy háár egter die eerste keer gewaar: Die meermin met die onmoontlike mooi groen oë.

’n Reënboog vir Mouette − Thea Holland

'n reenboog vir mouette_high res

Mouette wil nooit weer trou nie, want verhoudings werk eenvoudig nie uit nie of hou nie. En Con sal dit eers oorweeg om te trou wanneer hy veertig word … Maar die liefde laat hom nie voorskryf nie, of hoe?

Onder dieselfde sterre − Anna Penzhorn

Onder die sterre_high res

Jacolien het reeds haar droomman, die geleerde en gesofistikeerde Ruaan de Jongh, ontmoet. Hulle is perfek vir mekaar. Maar waarom kan sy nie die aantreklike Sebastiaan, ’n beesboer en terggees met verskuilde diepte, uit haar gestel kry nie?

Meer as ooit  − Felicia Snyman

Meer as ooit_high res

Sedert haar ontroue eks haar verraai het, is ’n aantreklike man nie op Rinamari se prioriteitslys nie. Maar Alexander maak gevoelens in haar wakker wat haar laat besef dat Matthew nooit die regte man vir haar was nie.

Joernaal vir ’n bedonnerde diva − Sophia Kapp   

 

Hierdie kreatiewe joernaal is ’n uitvloeisel van die Oorlewingsgids vir ’n bedonnerde diva en is op versoek van lesers. Die joernaal bestaan uit twaalf sketse oor hedendaagse ervaringe wat vroue beleef, maklike resepte, uittreksels uit die divagids asook gedeeltes waar lesers joernaal-inskrywings kan doen en teken of foto’s of prente kan inplak.

Net ’n mens − Alta Cloete

Op Sanet Smit se vyftigste verjaardag kry die verwydering tussen haar en haar man ’n naam. En dis nie ’n vrouenaam nie. Boonop is Anthonie Binedell alreeds geruime tyd oorlede en sy het geen idee gehad van Willem se smart nie.

Deur haar onbegrip, woede en hartseer sypel ook die behoefte om te verstaan. In haar poging tot groter begrip word sy deel van Willem se vriendekring waarin sy voorheen nie betrokke wou raak nie. Onverwagse uitdagings in die vorm van ‘n ouerlose dogtertjie en ’n woedende tienerseun toets haar empatie en vermoë om aan te pas. En dan laat Willem haar finaal in die steek. Sy moet alleen haar pad vorentoe vind.

 

 Hierdie opvolg van Opdrag van oorkant stel verskeie vrae aan die leser: Hoe verwerk ’n vrou die ontdekking dat haar man gay is? Is dit noodwendig die beste keuse dat hy uit die kas moet kom? Moet sy hom dwing as hy nie kans sien nie?

Maar ook: Kan van ‘n vrou verwag word om die getraumatiseerde kind van vreemdelinge in haar huis en in haar hart te neem?

Swartval − Martin Steyn

Swartval

Haar brein jaag net so vinnig soos haar hart. Dis hy. Die een wat die blomme op haar kar gelos het. Hy het teruggekom. En hierdie keer het hy nie gekom om iets te bring nie, hy het gekom om iets te vat.

Vir haar.

Dit het begin met ’n blom onder haar motor se ruitveër. Maar die tweede een was dood en toe kom die swart blomme. En nou word sy iewers in ’n sel van sement gevange gehou.

Claire Winters plaas eers haar hoop op haar speurder-broer om haar te kom red. Want hy weet wie die man is wat haar ontvoer het. Maar nog ’n lang, donker dag eindig met ’n toebroodjie en ’n glas water en Derek kom nie. En Claire besef hierdie keer sal sy haarself moet red. Voor haar brein heeltemal in die swart van die kelder oplos.

Die enigste manier uit is deur haar ontvoerder. Net hy kan die kelder se deur oopmaak. Maar net toe sy dink sy begin vordering maak, vind Claire uit waarvoor sy regtig aangehou word.

Wil jy geld spaar op jou maandelikse boeke? Sluit nou aan by Romanza-Klub en kry 30% afslag op alla LAPA-boeke: https://www.lapa.co.za/Romanza/Romanza-klub

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s