’n Stukkie genade – Dianne van Eeden

'n stukkie genade low res

“Anjenette! Anjenette!” Brad skud haar ferm aan die skouers.

Die gil stol op haar lippe en hy kan haar oë, groot en vreesbevange, op hom voel. “Anjenette, dis ek, Brad,” sê hy dringend.

Sy begin saggies te skud en hy besef ontstemd dat sy huil. Hy sak op die rand van die bed neer en tel haar in sy arms op. Sy voel so klein en broos toe hy haar teen hom vasdruk. Die snikke skeur rou oor haar lippe en hy druk haar nog stywer teen hom vas. “Toemaar, dis verby, dit was net ’n droom,” fluister hy terwyl hy oor haar rug en hare streel.

Uiteindelik kry sy weer beheer oor haar emosies en sy sit verleë van hom af weg.

Hy lig haar ken en vee haar traannat wange met sy duime weg. “Is jy oukei?”

Sy knik want haar stem is weg.

Hy leun impulsief nader en raak haar mond teer met syne aan. Haar lippe gee sag onder syne mee en hy voel hoe lang vergete gevoelens diep binne-in hom roer. Met ’n kreun trek hy haar in sy arms in en soen haar, dié keer driftig.

Haar hande kruip op en sluit agter in sy nek. Die bruisende sensasie wat haar warm, vroulike liggaam in hom ontlok, laat sy sintuie tol. Hy vou sy arms krampagtig om haar skraal skouers asof sy lewe daarvan afhang. Meteens verstaan hy wat dit is wat hom nog heeltyd pla. Hy het hierdie meisie lief!

Die gedagte is gelyk bevrydend en ontnugterend en hy beëindig die soen teësinnig. Wat is hy besig om te doen? Skaars ’n uur gelede het sy dit duidelik gemaak dat sy in geen verhouding belangstel nie.

Toe hy haar arms versigtig om sy nek losmaak en wil opstaan, keer sy hom. “Asseblief, moenie gaan nie,” fluister sy hees.

Hy aarsel. Hy wil nie haar kwetsbaarheid misbruik nie. Sy vat sy gesig in albei haar hande en trek sy kop laer na haar. Sy weerstand verkrummel en hy druk haar teen die kussings terug terwyl sy mond honger oor hare skuif.

Sy japon skuif van sy skouers af en sy voel hoe die spiere onder haar hande roer toe sy oor sy naakte rug streel. Sy hand gly onder haar naghemp in en sy trek haar asem genotvol in toe hy die ronding van een bors in sy handpalm neem. Sy liefkosings stuur ’n golf van ekstase deur haar en dit verstom haar dat haar liggaam in ’n oogwink op sy hitte en nabyheid reageer. Haar rug krom in afwagting toe sy hand ferm oor haar ribbekas gly, om haar naeltjie en oor die effense swelsel van haar buik. Sy skeur haar mond van syne weg en soen hom koorsig al langs die sterk lyn van sy kakebeen tot by sy skouer. Sy kan die seep aan sy vel ruik en sy adem sy reuk diep in. Sy wang skuur sensueel teen haar vel en sy kan sy hartklop teen haar lippe voel pols toe sy hom in die warm holte van sy nek soen.

Brad kreun saggies, dan verstil hy en verberg sy gesig in haar hare. Sy is nie haarself nie. Hy durf nie haar verlange na haar man uitbuit nie.

“Dis nie reg nie. Ek kan dit nie doen nie.” Hy lig sy kop en soen haar sag op haar lippe. “Ek kan dit nie doen nie,” herhaal hy skor. Hy staan beslis op en voel na sy kamerjas.

Sy lê stom in die maanverligte vertrek na hom en kyk. Hy is ’n adonis van ’n man. Toe hy uitstap en die deur agter hom toetrek, bly sy roerloos lê. Sy wil haarself om nie te dink nie.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s