Gesellig met Dianne van Eeden

Hoe ontspan jy?

Klavierspeel en tuinwerk is vir my heerlik ontspannend.

Wat lees jy op die oomblik?

The Prodigal Daughter van Jeffrey Archer.

Wat doen jy wanneer jy nie skryf nie?

As ek nie skryf nie, speel of oefen ek viool. Ek doen ook my eie huiswerk, wat my taamlik besig hou!

Aan watter skryfgewoonte (van jouself of ander skrywers) het jy ’n broertjie dood?

Ek hou nie van krutaal in ’n boek nie. Een of twee keer sal ek dit oorsien en daarna sal ek die boek toemaak en daardie skrywer se werk vermy.

Wat was die kosbaarste les wat jy by ander skrywers geleer het?

Ek het geleer NEE beteken nie jy moet gaan lê nie. As jy glo in jou werk, veg daarvoor.

nee-zeggen

Wat wens jy, jy het geweet toe jy begin skryf het?

Die belangrikheid van navorsing. ’n Verhaal moet feitelik korrek wees al is dit fiksie.

Wie is jou skryfrolmodelle?

Francine Rivers is beslis bo aan my lys van skryfmodelle.

Wat is noodsaaklik op jou lessenaar (behalwe jou rekenaar) om lekker te kan skryf?

My lessenaar moet leeg wees van enige ‘clutter’ as ek skryf. Ek ly in ’n mate aan OCD (Obsessive Compulsive Disorder). Net die nodigste is op my lessenaar: my drukker, dagboek en skryfbehoeftes.

Wat is die belangrikste les oor skryfkuns wat jy geleer het?

Hê baie geduld. Dis ’n tydsame proses.

Wat is jou grootste skryffiemies?

Skryffiemies is definitief dat ek net kan skryf in doodse stilte. Geen musiek of lawaai of stemme nie. Ek is te lief vir musiek en dit en radio trek my aandag af. Dit was frustrerend vir my kinders toe hulle tieners was. Ek het aangepas en net snags geskryf of as die huismense uithuisig is.

Wat was die hoogtepunt in jou skrywersloopbaan so ver?

Hoogtepunte is die Ela Spence-toekenning in 1997, die ATKV-toekenning in 2005 en Crazy Store se besluit om Afrikaanse verhale te versprei.

Enige wyse woorde of skrywersgeheime vir voornemende skrywers?

Volg jou instink. Nie almal kan bv. werk volgens ’n raamwerk nie. Net omdat dit vir die meeste skrywers werk, beteken dit nie noodwendig dit moet vir jou werk nie. ‘Just let it happen.’

Hierdie is jou eerste romanse in nege jaar? Was dit moeilik om weereens ’n romanse te skryf?

Nege jaar is ’n lang tyd.  A.g.v vereistes deur die keurders is my manuskrip jaar in en uit afgekeur, onder andere my taal wat bv. te formeel op die oor val (ek hou van goeie Afrikaans en voel dat dit behoue moet bly in ’n era wat Afrikaans verengels het.) Nog ’n struikelblok was fokalisering. Ek is lief om ander karakters se gedagtes te wil deel met die leser en dit het ’n groot ‘No-No’ geword. Waarom verstaan ek nou nog nie… Ek moet my skryfwerk kort-kort onderbreek om seker te maak ek voldoen nog aan vereistes. Dit kniehalter nogal die natuurlike vloei van ’n verhaal.

Wat het jy in die tussentyd geskryf?

Ek het aan ’n volgende verhaal begin werk terwyl die verhaal gesweef het.

Drie items waar sonder jy nie kan leef nie.

My Bybel, my foon en vogroom.

Wie is jou drie gunstelingskrywers?

Francine Rivers, John Grisham en Karen Kinsbury in dié volgorde.

As jy drie mense na ete sou nooi (lewend of dood), wie sal dit wees?

Dalai Lama, Moeder Teresa en my geestelike mentor en vriendin Esther Hennig.

Vertel ons 5 dinge wat nie in jou bio is nie.

  • Ek is ’n omgee-mens.
  • Ek het ’n sterk persoonlikheid en aanvaar nie ’n onredelike NEE nie.
  • Ek hou nie van konflik nie, maar deins nie terug om standpunt in te neem as ander te na gekom word nie.
  • Ten spyte van die algemene siening dat skrywers deurmekaar emosionele wesens is, is ek baie georden en hou van roetine.
  • Koeksisters en roomys is my groot swakte.

Werk jy tans aan ’n boek?

Ek werk aan my 14de romanse Sewentig Maal Sewe.

As jy nie ’n skrywer was nie, sou jy … wees?

As ek nie ’n skrywer was nie, sou ek wou sing. (Ek het op skool besluit skryf is beter, want dit hoef mens nie voor ’n gehoor te doen nie.)

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s