Salomé Schutte verby die omslag

Ons kyk verby die Romanza-omslag en leer ken vir Salomé Schutte, skrywer van Ná die winter, beter.

Wie is Salomé Schutte as sy van haar skrywerstoel opstaan?

Iemand se vrou en iemand se ma. Die meeste mense ken my as Somien of Klarine se ma en party weet waarskynlik nie eers wat my naam is nie. Dit is ‘n belangrike tyd in my dogters se lewe en ek is in die eerste plek ‘n ma. Dan werk ek ook as ‘n vryskut-joernalis.

Waarvoor sou jy die familie se melktertresep verkoop?

Ek sal dit verruil vir ‘n seisoenkaartjie op Loftus Versveld.

loftus-versfeld-5_1530414i

Wie is jou drie gunstelingskrywers?

Fiona Weldon, Anne Tyler en Jude Deveraux. Ek het al hulle boeke gelees waarop ek my hande kon lê. Dit is vir my baie lekker as ek ooit een iewers raakloop wat ek nog nie gelees het nie.

As jy drie mense na ete sou nooi (lewend of dood), wie sal dit wees?

Naas Botha (die grootste held van my kinderdae), Prinses Diana (dit is vir my fassinerend dat so ‘n beelskone vrou so ‘n tragiese lewe kon hê) en Koos du Plessis (omdat hy met Afrikaans kon toor en ons hom heeltemal te vroeg verloor het).

Wat was die beste raad wat jy oor skryf ontvang het en van wie?

Cecilia Britz, fiksie-uitgewer by LAPA, het my die beste raad gegee. Sy het gesê as jy wil skryf dan moet jy lees.

download (1)

Watter boeke kan jy herhaaldelik lees?

John Irving se Cider House Rules en The Hotel New Hampshire.

As jy vir ‘n dag as ‘n ander bekende skrywer kan leef, watter skrywer sal dit wees? En hoekom?

Deon Meyer. Ek sal graag by hom wil hoor hoe dit voel as elke boek wat jy skryf, ‘n absolute treffer is wat van die rakke af vlieg.

Waarom skryf jy romanse? Is dit jou gunstelinggenre?

Ek hou van romanses, maar sal eerder ‘n liefdesroman lees. Ek skryf graag romanse omdat dit goed voel-boeke is. Ek hoop dit voel goed om dit te lees, want dit laat my baie goed voel om dit te skryf.

Watter boek/e is op die oomblik op jou bedkassie?

Falling Awake deur Janye Ann Krentz. Ek het haar boeke eers onlangs ontdek en as ek een begin lees, kan ek dit net nie neersit nie. Die ander een wat op my bedkassie lê, is The Lilac Bus deur Maeve Binchy, ook een van my ou gunstelinge.

As jy nie ’n skrywer was nie, sou jy … wees?

Ek is verskriklik gelukkig, want ek wil regtig niks anders as ‘n skrywer wees nie. Ek wil graag skryf, of dit nou verhale of artikels is.

In jou volgende lewe sal jy graag ’n … wil wees?

Ek sal nog steeds ‘n skrywer wil wees.

skrywer-besig1

Enige wyse woorde of skrywersgeheime vir voornemende skrywers?

Ek sal Cecilia se raad oordra. Dit is regtig baie belangrik om soveel as moontlik te lees en veral in die genre waarin jy graag wil skryf. Ek dink dit is veral belangrik by romanses, want daar is ‘n baie spesifieke ritme daaraan verbonde. Dit het my baie lank gevat om daardie ritme te vind.

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s