Ons leer ken Zelda Mans

Zelda Mans se eerste RomanzaSy hart se lens, het pas verskyn. 

Beroep:

Afrikaansonderwyseres by Hoërskool Cradock.

Woon in:

Cradock in die Oos-Kaap.

Stokperdjies:

Ek lees graag verskillende genres. Ek hou ook daarvan om ver ente te gaan stap saam met my sussie. In my vrye tyd gaan fliek ek graag. Ek kyk soms kompulsief misdaadreekse. Nog stokperdjies is skets en verf.

Troeteldiere:

Spencer, ’n worshondjie (vernoem na Spencer Reed in Criminal Minds), en Bella, ’n Jack Russel. Hulle is eintlik my ouers s’n, maar ek beskou hulle albei as familie.

2000px-Criminal-Minds.svg

Jou eerste romanse het pas verskyn. Vertel ons bietjie die storie: het jy ʼn oproep of ʼn e-pos gekry? Hoe het jy gevoel? Wat het jy gedoen om die geleentheid te vier?

Ek het een Donderdagoggend ’n oproep van Marlies Haupt, die Romanza-uitgewer, gekry. Ek was ongelooflik kalm en het dit glad nie verwag nie. Dit het eers werklik ingesink toe ek my sussie gebel het. Ons het daarna vir twee ure in ’n koffiewinkel gesit en gesels oor die karakters in die boek asof hulle regte mense is!

Waar sonder kan jy nie leef nie?

My familie, my gunsteling koffie met kondensmelk in en my ouma se lekker beskuit wat sy altyd met groot liefde vir haar kleinkinders bak. Ek kan en wil ook nie sonder die Bybel leef nie.

Wie is jou drie gunsteling skrywers?

Sophia Kapp, Marita van der Vyver en Melissa Scharneck

As jy drie mense na ete sou nooi (lewend of dood), wie sal dit wees?

My oupa Thinus wat al oorlede is, want hy het baie wysheid gehad.

Oom TT Cloete omdat hy so mooi oor sy Anna kon skryf.

Vincent van Gogh, want ek bewonder hom al van hoërskooldae af.

Wat was die beste raad wat jy oor skryf ontvang het en van wie?

Een van my sussies, Liezl het op  ’n dag vir my gesê, “Zelda, begin net skryf!” nadat ek vir haar die soveelste storie vertel het wat ek in my verbeelding opgetower het.  Tot vandag toe is dit werklik die beste raad wat ek oor skryf ontvang het.

Just-Write

Watter boeke kan jy herhaaldelik lees?

Ek is nie een van daardie mense wat ’n boek twee keer lees nie. Behalwe my eie manuskripte, maar dit is net omdat ek moet.

Werk jy tans aan ʼn boek?

Ek het sopas ’n manuskrip klaar gemaak. Al wat ek kan verklap is dat daar ’n boekwinkeleienares en ’n prins op ’n wit perd is. Dan is daar ook natuurlik die beste vriend wat nie raakgesien word nie.

As jy vir ’n dag as ’n ander bekende skrywer kan leef, watter skrywer sal dit wees? En hoekom?

Marita van der Vyver, want sy woon in Frankryk en laat dit altyd so idillies klink. Ek sou haar vriende wil ontmoet, want ek glo sommige van haar karakters is op daardie einste vriende gebaseer.

Jy is deel van ’n tweeling: Hoe verskil jy en jou suster van mekaar?

Ja, ek het ’n tweelingsussie, Liezl, maar ook ’n ouer sussie, Lucia. Liezl is meer geneig om te sê wat sy dink terwyl ek in ’n fantasiewêreld leef. Ons is nie identies nie, maar maak mense lekker deurmekaar. Liezl staan makliker op vir haarself as ek. Daarom sou sy eers ’n prokureur geword het. Sy maak vinniger vriendinne en neem gewoonlik die leiding in ’n sosiale situasie. Ek is ’n regterbrein en sy meer van ’n linkerbrein.

Hoe kom julle ooreen?

Ons albei leef volgens dieselfde waardes en het die onderwys as beroep gekies. Ons leen graag mekaar se klere, so ons styl kom ooreen. Ons idee van ’n tipiese held is ook eenders.  Ons lees dieselfde tipe boeke en deel van dieselfde belangstellings.

Waarom romanse-genre? Is dit een van jou gunsteling genres?

Ja, ek het van jongdae af romanses gelees omdat dit elke keer ’n gelukkige einde het.  Ek was daardie meisie in die klas wat romanses skelm onder die bank verslind het. In elke foto wat by die skool geneem is, sit ek in die agtergrond met ’n romanse op my skoot. Toe ek begin skryf, het die storie vanself die vorm van ’n romanse aangeneem.

Watter boek/e (behalwe handboeke) is op die oomblik op jou bedkassie?

Bridge to Haven deur Francine Rivers. Dit was ’n verjaarsdaggeskenk en het ’n Christelike boodskap.

As jy nie ’n skrywer was nie, sou jy … wees?

Ek sou graag ’n “storm chaser” wou wees wat in orkane invlieg om data te versamel. Ek sal ook daarvan hou om aardbewings te kan voorspel.

In jou volgende lewe sal jy graag ’n … wil wees?

Ek sal ’n passasier op die Titanic wil wees, want daar was nog altyd vir my iets magies aan die manier hoe die skip gesink het. Wie weet, dalk sou ek dan die ‘hoofrol’ in die film gespeel het!

Titanic_poster

Enige wyse woorde of skrywersgeheime vir voornemende skrywers?

Moet nooit die waarde van ’n sterk  koppie koffie onderskat nie. Die lekkerste navorsing vir jou boek kan wees om in ’n koffiewinkel te sit en stories op te maak oor die mense wat jy sien.  Hou jou oë wawyd oop, want die beste inspirasie is rondom jou. Die beste raad wat ek kan gee is om net te begin skryf en daardie idees op papier te kry. Jy moet ook in jouself en jou stories glo! Hou net aan skryf.

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s