Maria van Maria se keuse gesels

Onthou jy vir Maria van Maria se keuse?  Romanza gesels met haar oor André, haar kookvernuf en hul troeteldiere.

maria se keuse_high res

Romanza: Hoe pas jy aan op Onseepkans?

Maria: Verbasend maklik, dankie. Daar is tye wat ek frustreerd raak wanneer ek iets kort en daar is nie ’n winkel naby nie, maar Andrè het die vermoë om my elke keer te verras en ’n plan te maak.

Romanza: Hoe gaan dit met jou hond, Jamie?

Maria: Yslik groot en stout, maar dierbaar verby. As Andrè sy rug draai, spring Jamie by my op die bed, maar hy waag dit nie as Andrè by is nie. Hy is ’n ongelooflike slim hond.

Romanza: Het jy al vir Rooies, die hoender, uitgemoor of nie?

Maria: Rooies is nie meer met ons nie, maar dit was nie ek nie, belowe. Jamie het bietjie rof met Rooies gespeel eendag en ja, dit was Rooies se einde. Sjoe, daardie dag wil ek nooit weer oorhê nie. Andrè was woedend vir die hond en ek het sommer skuldig gevoel namens Jamie. Hy is ’n jong hond en ek glo dit was ’n ongeluk. In werklikheid is Jamie ’n reuse hond wat dink hy is ’n poedel

Romanza: Wat mis jy die meeste van die Kaap?

Maria: My familie en die gerief van alles wat net ’n winkel ver is. Ek het nou die dag vir Andrè ’n koek gebak – dit was natuurlik ’n reuse mislukking – maar ek kon nêrens kersies kry vir versiering nie. Toe vat ek maar tamaties.

Romanza: Hoe vaar jou groetetuin?

Maria: Ongelooflik goed, dankie. Ek geniet dit soveel. Veral vroegoggend wanneer dit nog nie so warm is nie. Tot die bure het al kom bedel.

images

Romanza: Wat is André se gunstelingmaaltyd?

Maria: Geroosterde skaapboud, maar eintlik ook maar enige iets met vleis!

204435

Romanza: Het jy al die kuns van frikkadelle bak en pannekoek maak bemeester?

Maria: Frikkadelle, nee. Pannekoek, ja! Hier is ’n dierbare tannie wat vir my ’n resep gegee het wat nie kan misluk nie en sy het een hele dag lank by my gekuier en my gewys en gehelp. Ons het twee dae lank pannekoek geëet.

Romanza: Doen André sy woord gestand en oorleef julle op droë boord en liefde of span hy self die voorskoot in?

Maria: Ek sal nou nie sê hy kook nie, maar ons braai baie, baie gereeld vleis. En hy eet my pogings met baie brawade en min komplimente. Maar hy kla nie. So ja, jy kan maar sê hy doen sy woord gestand en span die voorskoot in

Romanza: Het jy hom al oortuig om hoenderslaai te eet?

Nee, ek sukkel nog met hom. Hy eet dit, maar as ek dit meer as twee keer in ’n maand maak, kry hy so ’n frons tussen sy oë.

20533_l

Romanza: Spandeer jy steeds so baie tyd in die badkamer?

Maria: Maar natuurlik! ’n Vrou wil tog goed voel en daar is niks so opbeurend soos ’n goeie pampersessie in die badkamer nie

Romanza: Het jy al die badkamer se mure oor geverf? Indien wel, watter kleur?

Maria: Nie net oorgeverf nie, maar sommer heeltemal oorgedoen. Andrè het vir my ’n badkamer aangebou langs ons kamer met ’n lieflike ovaal bad. Daar is nou ’n stort ook. O, dis onbeskryflik mooi. Alles in aardse kleure met groen vir kleur

Romanza: Is jy nog vriende met Lategan? Het hy al ’n nuwe meisie?

Maria: Ongelukkig nie. Lategan is baie verbittered teenoor my. So ver ek kon agterkom, is daar nog niemand in sy lewe nie

Romanza: Is jy en André al besig met trouplanne?

Maria: O ja! Verseker. Volgende jaar April. Alles is al bespreek en depositos is betaal. Ek kan nie genoeg dankbaar wees teenoor my ma vir al haar hulp nie. Ek en Andrè beplan en bespreek alles saam, maar my ma is die een wat alles raakvat in die Kaap

Romanza: Wat was die grootste les wat tydens hierdie ervaring geleer het?

Maria: Geluk is ’n keuse en die regte keuse is nie altyd die maklikste nie.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s