Gesels saam met Roudéne le Roux

Haar eerste Romanza, Bruid in die Amasone, het in September by LAPA Uitgewers verskyn. Ons gesels met Roudéne le Roux en leer ken die vrou agter die pen.

Roudéne le Roux  (Veronica)

Koffie of tee?

Tee

Wyn of sap?

sap

Bruid in die Amasone  is jou eerste Romanza?  Wat was die moeilikste aspek vir die skryf van hierdie boek, en hoekom?

Die moeilikste aspek vir die skryf van hierdie boek was om slegs vanuit die heldin se oogpunt te skryf. Ek het nog altyd boeke verkies waar die held se gedagtes en dade so dan en wan ingeglip het. Dit is nogal frustrerend as sy dade soms vir my onverklaarbaar was. Ek leef my net lekkerder in en kan selfs simpatiseer met die arme ou se probleme.

bruid in die amasone high res

Onthou jy hoe jy gevoel toe jy die aanvaardingsbrief van LAPA Uitgewers ontvang het?

Ek was uit my nate van opgewondenheid. Dit was nogal ʼn lang proses. Ek moes na keuring ʼn gedeelte herskryf en het die manuskrip meer as ʼn jaar laat lê, vasbeslote om nie weer te skryf nie. Toe byt die gogga weer. Vriendinne wat saam met my by die ATKV Skryfskool was, het my oortuig dat ek moreel verplig is om die boek te herskryf aangesien dit Lapa ʼn aansienlike bedrag kos om ʼn keurder te betaal en min boeke gekeur word. Nou ja, toe pak ek maar weer die stryd aan. Ek het eintlik my kinders geleer dat jy enduit volhard met dit wat jy aanpak. Dus: ‘practise what you preach!’

Wie is jou drie gunstelingskrywers?

Danielle Steele, Francine Rivers en Wilbur Smith.  Eintlik lees ek alles waarop ek my hande kan lê indien ek tyd kry. Van politiek tot sport. Ek het net ʼn kleintjie dood aan die skindernuus van ander mense se persoonlike lewens. Die sg. skitterende sterre se lewens hoef nie aan die publieke galg gehang te word nie. Ons bly slegs mense met gebreke.

Wat was die beste raad wat jy oor geskryf gekry het en van wie?

Nadat hierdie boek gekeur is, het ek besluit om by kundiges kers op te steek wat die moets en moenies van skryf betref. Dit het ʼn skryfkursusbehels wat uit agt modules bestaan. Die beste raad wat ek gekry het was om onnodige detail te skrap en af te skaal op die ‘theatrics’  (oordramatisering).

As jy vir ’n dag as ’n ander bekende skrywer kan leef, watter skrywer sal dit wees? En hoekom?

Genade, nee. Ek weet nie. Ek sal graag ʼn skrywer wil wees wat twaalf uur per dag tot my beskikking het om te skryf. En nie twaalf uur per maand nie!

Werk jy tans aan ’n boek?

Ja. Ek wou dit al einde Februarie instuur, maar dis al September en ek is nou eers halfpad.

As jy nie ’n skrywer was nie, sou jy … wees?

As ek nie ʼn skrywer was nie, sou ek ʼn model toeris wees.

Waar is die vreemdste plek waar jy al ooit geskryf het?

Op die toilet. ʼn Vriendin het eenkeer beken dat dit soms al plek is waar sy Bybelstudie kan doen in vrede (sy het toe 2 kleutertjies gehad) en die personeel se wenkbroue het gelig en andere se neuse het ʼn wikkeldans gedoen, maar ek kon dit nogal verstaan.

Drie items waar sonder jy nie kan leef nie.

My skootrekenaar, my treadmill en my motor.

As jy drie mense na ete sou nooi (lewend of dood), wie sal dit wees.

My oorlede ma, ʼn prostituut en ʼn sielkundige berader. Dink net aan die interessante gesprekke!

Watter boeke kan jy herhaaldelike lees?

Slegs die Bybel.  As ek ʼn boek gelees het –  of iemand  het die end daarvan vertel – dan is dit neusie verby. Afgehandel.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s