Vanwaar die inspirasie vir Aspoesterskoene? Kristel Loots

Kristel Loots vertel oor die inspirasie agter Aspoesterskoene.

Aspoesterskoene

Ek is amper so bekend vir my lompheid as vir my rondheid. Wanneer ek in die verre verlede dit op ’n paar stelte aan my voete gewaag het, het ek alte dikwels eerder langs daardie pragtige stiletto’s beland in plaas daarvan om stewig te staan of trots en fier soos ’n bloubloed merrie te stap waar ek wou wees. Ek is helaas nie die grasieuse reier-tipe wat ’n paar Aspoesterskoene noodwendig met die nodige finesse sal kan volstaan nie. Maar dis waarvoor drome daar is. En verbeelding. En heerlike stories waarin enigiets moontlik is. Want daar is min dinge so parmantig as die dra van ’n paar killer heels soos dié wat aan die voete van Sarah in Aspoesterskoene pryk.

Soos in die verhaal, het ek ook ’n reünie – en die skokke wat daarmee kan saamgaan – beleef. Waar jy jou verstom aan hoe anders almal om jou lyk en hoe oud hulle eintlik geword het. En jy doodseker is daarvan dieselfde lot het jou nie ook getref nie.

Maar waar jy ook verras word wanneer die ou of meisie wat jy op skool geken het, skielik uit die ouer lyf hier voor jou tree. ’n Glinstering in die oog wat jy maar te duidelik onthou, ’n mooi mond, die lekker raakvat van ’n paar hande wanneer julle op dekade-oue musiek aan die dans gaan. En herinneringe aan ou liefdes jou sag maak. En natuurlik is daar gewoonlik allerhande geheime uit die verlede wat blykbaar nooit heeltemal opgelos word nie, vrae wat nooit beantwoord is nie.

Om Sarah en Marius se storie te vertel bly vir my een van die hoogtepunte van my skrywersloopbaan. My eerste enkeltitel, my eerste ‘dik’ boek, geskryf met so baie van my eie herinneringe aan my grootwordtyd. Wat ’n groot lekkerte wat LAPA vir my moontlik gemaak het!

One thought on “Vanwaar die inspirasie vir Aspoesterskoene? Kristel Loots

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s