Peet praat oor Lem: die karakter en die boek

Peet Venter se nuwe spanningsroman, Lem, het in September verskyn. Ons gesels met hom oor Lemmer (Lem) Bosman en vra raad vir nuwe skrywers.

 LEM

Wat het Lem, die boek en die karakter, Ben, geïnspireer?

Ek werk selde op inspirasie. Ek kry ’n storie in my kop, en skryf hom. In Lem gaan dit oor die individu teen die samelewing. Ek veronderstel dit kan as ’n bron vir inspirasie gesien word, want ons sit maar almal in dié posisie.

Wat was die moeilikste aspek van die skryfproses van hierdie boek, en hoekom?

 Synde ’n man, is dit maar altyd moeilik om vroulike karakters geloofwaardig te maak. In Lem se geval was dit die drie, Fleur Bloem, Irma Storm, en Christine Watts. Veral met Christine was dit moeilik om haar emosies en frustrasies as vrouespeurder in ’n omgewing wat deur mans oorheers word vas te vang.

Peet-Venter

Is Lem deel van ’n reeks?

Alles is moontlik, maar ek voorsien nie ’n vervolg op Lem nie. Ek weet veral die vroue sal wil hê Lem en Irma moet by mekaar uitkom, maar in hierdie stadium sal dit nie vir my werk nie.

Hoe verskil Ben en Thys van die Thys Krige-reeks van mekaar? En hoe kom hulle ooreen?

Dit sluit juis aan by die vorige antwoord. Vir my sal Lem Bosman en Thys Krige alleenlopers bly. Dit, en die feit dat hulle mense doodmaak, is die enigste ooreenkoms. Die grootste verskil is dat Krige ’n man met ’n missie is, en niks keer hom nie. Lem, daarenteen, wil net sy gebreekte lewe weer aanmekaar sit.

Werk jy tans aan ’n boek?

Ja, ek werk aan Kontinuum, meestal spanning, gegeur met bietjie fantasie en wetenskapfiksie. Ek sal maar sien of die uitgewer dit aanvaar. Dan kom daar weer ’n Thys Krige-storie.

Wat is die beste raad wat jy kan gee aan ’n voornemende spanningsverhaalskrywer?

Baie verbeelding. Vinnige pas. Min woorde. Laat jou karakters die storie vertel. Moet nooit jou lesers se intelligensie beledig nie.

One thought on “Peet praat oor Lem: die karakter en die boek

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s