‘n Komma bygevoeg en uitgehaal: Romanza-skrywers by die Moot Bib – Marlies Haupt en Cliffordene Norton

11751346_942563542478158_1460456289_n

Alda Geers (Manie Groenewald) en Susan Olivier gesels

Manie Groenewald, wat onder die skrywersnaam Alda Geers romanses publiseer en Susan Olivier het op Woensdag 22 Julie by die Moot Biblioteek oor hul skryfwerk gesels.

moot biblioteek poster

Manie het vroeg in die negentigerjare ’n advertensie vir ’n skryfskool by die destydse Potch Universiteit gesien. Hy het die skryfskool bygewoon en hierna ’n romanse-manuskrip by LAPA Uitgewers ingedien. Mense het vir hom gesê ’n man sal nooit ’n liefdesverhaal kan skryf nie … maar hy het gesê: “Watch my.” En vandat sy eerste Romanza, Anderkant die duine, in 2007 by LAPA verskyn het, het hy die twyfelaars sewe keer verkeerd bewys.

11791737_942563509144828_903188713_n

Alda Geers, aka Manie Groenewald

Wanneer LAPA ’n skrywersindaba hou vir hul romanseskrywers, is hy die enigste haan onder al die henne. Maar dit pla nie. “Dan is ek net Alda,” sê hy. Hy doen waarvoor hy lief is.

Beide skrywers het vertel dat hulle nie vooraf presies weet hoe hul karakters lyk of watter soort persoonlikhede hulle het nie. Maar aan die einde, erken Manie, ken hy sy karakters so goed dat hy weet wat is in hul klerekas.

11758943_942561479145031_2082655570_n

Alda Geers en Susan Olivier se boeke

Volgens hom gaan romanses nie oor die ‘wie’ nie, maar oor die ‘hoe’ en “hoe die verhaal dan uiteindelik uitloop op ’n heerlike einde”.

Susan meen ook die karakters groei soos sy verder skryf. Haar twaalfde romanza, Fantasieman, verskyn in November by LAPA Uitgewers.

1655167_942565152477997_1427748930_n

Susan Olivier en Marlies Haupt, Romanza-uitgewer by LAPA, gesels.

Manie kies ’n man en vrou (die held en heldin) wat mekaar opponeer en uit hierdie situasie en konflik ontstaan ’n verhaal wat hy dan op papier vasvang.

Maar skryfwerk en skrywer wees is volgens Manie en Susan glad nie so glamorous soos wat mense aanneem dit is nie. “Dit is maar net ’n werk – ’n lekker werk,” het Manie gesê. Toe laat hy die gehoor skaterlag toe hy op ernstige noot verduidelik: “In die oggend kan ek nou sit en ’n komma agter ’n woord uithaal … in die namiddag sit ek hom terug.”

11793383_942561215811724_258010874_n11780505_942561302478382_1750451063_n

Mense in die gehoor wou veral weet waarom karakters in romanses altyd so perfek is. Beide skrywers meen dis omdat romanses sprokies is en die ‘perfekte’ held en heldin maak deel uit van die fantasiewêreld wat romanseskrywers skep. Lesers hou daarvan dat karakters ‘perfek’ is, want dis deel van die ontvlugting wat romanses bied. Tog sê Manie die held en heldin is nie sonder foute nie. En Susan meen haar helde moet mense wees met wie sy as normale mens kan assosieer – nie soos die perfekte Hollywood-mense nie. “Hulle het net té alles. Hulle is mooi, ryk en het perfekte kinders!”

11774700_942561152478397_1483369853_n

‘n Lekker gehoor🙂

“Gelukkig,” skree iemand, onder groot gelag, uit die gehoor, “vertel die Huisgenoot ons dat Hollywood-mense se lewens nie in werklikheid so perfek is nie.”

One thought on “‘n Komma bygevoeg en uitgehaal: Romanza-skrywers by die Moot Bib – Marlies Haupt en Cliffordene Norton

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s