5 minute met Irma Joubert

Almal weet dit van Irma Joubert: dat sy ‘n besonderse skrywer is met ‘n gawe om ‘n storie te vertel dat jy jou nie van die storie kan losmaak nie. Haar boeke suig jou diep in en bly jou lank bly. ‘n Lekkerte van die tegnologiese era waarin ons leef, is dat die leser al hoe meer “betrokke” kan raak by die skrywer agter die storie. Lees hieronder wat sê Irma oor haarself, haar skryfproses en haar liefde vir liefde…

Irma Joubert se finale boek in die Tussen Stasies -Trilogie

Irma Joubert se finale boek in die Tussen Stasies -Trilogie

Hoekom Pole? Vanwaar die belangstelling?

Tolbos is ‘n opvolg van Tussen stasie. Omdat Tussen stasies ‘n baie sterk verhaallyn in Pole het, wou ek Pole graag in Tolbos ook inbring. En in die jare 1976 tot 1989 is die ooreenkomste tussen Suid-Afrika en Pole net te sterk om te weerstaan. My belangstelling in Pole kom van my hoërskooldae in die vroeë 1960’s toe ek ‘n dikke boek getiteld Poland gelees het. Dit het die storie van drie Poolse families oor geslagte heen vertel, en daarmee saam natuurlik die verhaal van Pole self. Voeg daarby dat my ouma uit Oos-Pruise gekom het (nou deel van Pole) en dat die Poolse mense geweldig deurgeloop het onder beide die Eerste en die Tweede Wêreldoorloë, en die storie word

 

Wat is die toekoms van Afrikaans?

Ek is geensins bekommerd oor die toekoms van Afrikaans nie. Solank mense ‘n taal praat, sterf dit mos nie uit nie. En hier is steeds miljoene mense in Suid-Afrika wat Afrikaans praat, Afrikaanse boeke verkoop beter as ooit, so ook Afrikaanse musiek. Ons is wel bevoorreg om ‘n wêreldtaal soos Engels as tweede taal te hê , maar ek sien Engels net as ‘n bonus wat ons kan gebruik as omvangryke inligtingsbron, ons kan gemaklik fliek in Engels, ons geniet sy ryk letterkunde en natuurlik vergemaklik Engels ons reise na die buiteland. Engels is ‘n stuk handige gereedskap, dit was nog nooit vir my ‘n bedreiging nie.

 

Wat is die waarde van die romantiese verhaallyn in ‘n roman?

Vir ‘n sekere groep lesers (en ek is beslis een van daardie groep) maak ‘n romantiese verhaallyn die boek net LEKKER. My boeke is historiese verhale met baie geskiedenis (veral politieke, maar ook sosiale geskiedenis.) Ek dink die romantiese streep wat regdeur loop, maak al die geskiedenis en politiek en ellendes van die verlede meer verteerbaar en menslik – want liefde is totaal deel van die mens se wese.

 

Verduidelik vir ons jou skryfproses: Hoe vorder dit van idee tot volwaardige verhaal?

My stories is almal gebaseer om ware verhale wat mense vir my vertel het. Sodra iemand vir my ‘n stukkie van hulle eie, hulle ouers of grootouers se geskiedenis vertel, kliek die storiedeel van my kop in werking en ek begin die storie beleef. Soms voeg ek verskillende mense se ware stories saam om een storie te vorm. Die storie broei en stoei en groei in my kop, bereik wasdom voordat ek begin skryf. Tussendeur doen ek die nodige navorsing, veral oor die feite want mense onthou feite ongelooflik verkeerd. Ek probeer onderhoude voer met ander mense wat miskien dieselfde beleef het, bv. die polio-epidemie van die 1950’s of die Voëlvry-beweging van die laat 1980’s. Ek probeer die plekke waaroor ek gaan skryf, besoek om die gevoel te kry. Ek sal na flieks kyk wat oor daardie tyd handel om bv. te sien hoe soldate in die Sahara-woestyn geveg het, om die bombardering van die Europese stede te mede-beleef. Hoe meer navorsing ek doen, hoe beter leer ek my karakters en hulle daaglikse omstandighede ken, hoe meer kom ek in die storie in.  Eers wanneer my navorsing voltooi is, begin ek die storie skryf.

 

Hoe hanteer jy die druk om so rond te toer met ‘n boek. Wat doen jy vir onstspanning in die tye tussen boekpraatjies?

Daar is nie vir my druk om rond te toer met ‘n boek nie. Inteendeel: dis vir my heerlik om ‘n nuwe boek te gaan bekend stel (of om enige tyd met byvoorbeeld leeskringe te praat) omdat ek dan lesers ontmoet en kan gesels – en natuurlik nog stories hoor. Die skryfproses is redelik eensaam en vir iemand wat donkiejare lank skool gehou het en elke oomblik daarvan geniet het, is dit wonderlik om dan weer tussen mense te wees. En tussendeur? Ek kuier ‘n hond uit ‘n bos saam met my man, my vriende, my familie; ek lees, probeer my kaste regpak en kook kos, ek werk aan my volgende boek en ek skryf stukkies, soos byvoorbeeld nou vir julle🙂

 

One thought on “5 minute met Irma Joubert

  1. Heila Slater says:

    Ek is baie bly dat dit so goed gaan met jou loopbaan as een van ons voorste skrywers Irma,
    Sukses kom nie máklik nie en om ’n skrywer te wees is ’n eensame lewe, tog weet jy dat jy
    baie mense aanraak met jou skrywe, en dit maak alles die moeiete werd, nè? Ek volg die replieke op jou boeke, met groot belangstelling. Mag jy van krag tot krag gaan en sodoende
    jou deel bydra tot geluk en balans in die deurmekaar wêreld.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s